QIZAMIQ KASALLIGINING AHOLI ORASIDA TARQALISHINI OLDINI OLISHNING ENG SAMARALI YO’LI BU VAQTIDA EMLANISH

Abstrak

Qizamiq yuqori yuqumlilik darajasiga ega, og’ir kechuvchi o’tkir infeksion virusli kasallik bo’lib, yer yuzida bolalarning  o’limiga sabab bo’ladi. Kasallikning yuqish yo’li asosan havo-tomchi orqali, ya’ni bemor yo’talganda, aksirganda, gapirganda havo oqimi bilan tarqalishi mumkin.  Kasallikning simptomlari quyidagicha bo’ladi:  tana haroratining 40.5 C darajagacha ko’tarilishi, umumiy intoksikatsiya, og’iz bo’shlig’i shilliq qavatlari va yuqori nafas yo’llarining shamollashi, konyunktivit va o’ziga xos dog’li-papulali toshmalar toshishi bilan xarakterlanadi.