АБУ АЛИ ИБН СИНОНИ “ТИБ ҚОНУНЛАРИ” АСАРИНИНГ ТАРИХИ ВА ЗАМОНАВИЙ ТИББИЁТДАГИ РОЛИ (ТИБ ҚОНУНЛАРИ АСАРИНГ 1000 ЙИЛЛИГИГА БАҒИШЛАНАДИ).

Аннотация

Абу Али Ибн Сино доктор, файласуф, математик, созанда, шоир, буюк олим бўлиб, унинг асарлари фаннинг 29 йўналиши бўйича қолган. Ибн Синонинг “Тиб қонунлари” асари минг йиллик тарихга эга долзарб илмий меросдир. «Ал-Қонун фи-т-тиб» («Тиб қонунлари») бутун жаҳон тиббиёти тараққиётида беқиёс аҳамият касб этган асарлардан ҳисобланади. У 1025 йиллар атрофида ёзилган ва минг йилдан ортиқ вақт мобайнида тиббиёт илм-фанида асосий қўлланма бўлиб хизмат қилган.